Hadisə
Gecə yarısı gizlicə vətəndaşların mülklərini dağıtdılar: Bakıda ŞOK OLAY - VİDEO
Noyabrın 18-dən 19-a keçən gecə Nəsimi rayonu Nəsibbəy Yusifbəyli 48 ünvanında vətəndaşa məxsus 150 kvadratmetrlik qeyri-yaşayış sahəsində söküntü işləri aparılıb.
Publika.az-a daxil olan şikayət məktubunda zərərçəkən Qoşqar Əliyev bildirib ki, ona məxsus olan qeyri-yaşayış sahəsində söküntü işləri qeyri-qanuni olaraq aparılıb. Hadisəni yerində araşdırmaq üçün adıçəkilən ünvana yollandıq.
Qoşqar Əliyevə məxsus qeyri-yaşayış sahəsinin arxa hissəsində söküntü işlərinin aparılmasını müşahidə etdik. Tikilinin arxa hissəsinin divarı tamamilə dağılmış formada idi. Qapı və pəncərələr sındırılmışdı. Söküntü qalıqları ətrafa səpələnmişdi.
Qoşqar Əliyev bildirdi ki, qeyri-yaşayış sahəsi çoxdur, təxminən 150 kvadratmetr sahəyə zərər dəyib: “Hadisə bu gecə baş verib. Biz də söküntünü bu səhər buraya gələndə gördük. Bizə səhər saat 9-da məlumat verdilər. Sırağa gün də giriş hissəyə zərər vurmuşdular. Dedilər ki, bərpa edəcəyik, dünən də yarısını bərpa etmişdilər. Bu gecə isə tikilinin pəncərələrini, qapısını, divarını uçurublar. Divar tamamilə dağıdılıb”.
Zərərçəkənin sözlərinə görə, söküntünü aparan “Marin Group” şirkətinin əməkdaşları olub:
“Sağ tərəfimizdə yaşayış binası tikirlər. 102-yə zəng vurmuşuq, polis gəlib. Ərizə ilə müraciət etmişik. Qarşı tərəf burada “reketlik” edir, heç nəyə məhəl qoymurlar. Konkret olaraq şirkətin mühafizəçiləri qoçu dəstələridir. Vətəndaşın evinə gələnlərə də mane olurlar. Qarşı tərəfdəki tikintinin sahibi Bahadur və Azad adında adamlardır, bir neçə dəfə bizimlə əlaqəyə çıxıblar. Buranı almaq istəyiblər. Biz də satmamışıq. Onlar da burada yaşayış binası tikirlər. Bura bizim qanuni mülkümüzdür. Çıxarışı da var. Dəymiş ziyan hələ ki, hesablanmayıb. Bəlkə də 10 min manatdan çox ziyan dəyib. Paylı mülkiyyətdir, qeyri-yaşayış sahəsidir, 3 nəfərin əlində “kupça”sı var. Xahiş edirik, aidiyyəti qurumlar səsimizə səs versinlər, məsələ araşdırılsın və ölçü götürülsün”.
Qoşqar Əliyevin iddiaları ilə bağlı qarşı tərəfdən münasibət öyrənmək istəsək də, cəhdlərimiz baş tutmadı. Qarşı tərəf hətta bizim ərazidə çəkiliş aparmaq cəhdlərimizi hər vəchlə məhdudlaşdırmağa çalışırdı.
Tural Turan
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu
-
Hadisə10 May 21:25
Kürdəxanı təcridxanasında bit yayılıb? - RƏSMİ AÇIQLAMA
-
Hadisə10 May 20:15
Oteldəki zəhərlənmə ilə bağlı YENİ ŞOK İDDİA