Təyyarənin qəzaya uğradığı yeri çəkən bloger saxlanıldı - Bu görüntülərə görə
Bizi izləyin
Aptekonline

Hadisə

Təyyarənin qəzaya uğradığı yeri çəkən bloger saxlanıldı - Bu görüntülərə görə

Aktaudan olan bloger Azamat Sarsenbayev Mangistau vilayətinin polis idarəsinin əməkdaşları tərəfindən saxlanılıb.

Publika.az Qazaxıstan mətbuatına istinadla xəbər verir ki, o, ictimai asayişi pozduğuna görə saxlanılıb.

“O, hadisə yerinə (təyyarə qəzasının baş verdiyi yer – red.) pilotsuz uçan aparatı işə salaraq xilasetmə xidmətlərinin işinə və əməliyyat-axtarış tədbirlərinə mane olub, həmçinin polis əməkdaşlarının qanuni tələblərinə tabe olmayıb”, - polis idarəsindən bildirilib.

Qeyd edək ki, bloger Azamat Sarsenbayev dronla Aktauda AZAL-a məxsus sərnişin təyyarəsinin qəzaya uğramasının nəticələrinin fotolarını çəkib və yayıb.

Xatırladaq ki, Azərbaycan Hava Yolları aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhərinin 3 km yaxınlığında qəzaya uğrayıb. Təyyarədə 62 sərnişin, 5 ekipaj üzvü olub.

Azamat Sarsenbayevin çəkdiyi fotolar:

Oxumağa davam et
Reklam
Reklam

Gündəm

Aptekonline