Təqaüdçü fırıldaqçıların qurbanı oldu - 87 milyonu getdi

Fırıldaqçılar təqaüdçünün 87 milyon rublunu oğurlayıblar.

Publika.az xəbər verir ki, bu barədə Lenta.ru-ya Moskva prokurorluğundan məlumat daxil olub.

Bildirilir ki, fırıldaqçılar təqaüdçüyə zəng edərək özlərini pensiya fondunun işçisi kimi təqdim ediblər. Onlar şəxsi məlumatların yoxlanılması bəhanəsi ilə dövlət xidmətləri üzrə şəxsi kabinetə giriş kodu əldə ediblər. Bundan sonra portalın yalançı əməkdaşı təqaüdçüyə zəng edərək ofisinin sındırıldığını bildirib. Söhbət əsnasında o, təqaüdçünün adından Rusiya Federal Təhlükəsizlik Xidmətinə ərizə göndərildiyini qeyd edib.

Daha sonra "hüquq-mühafizə orqanlarının əməkdaşları" ona zəng edərək cinayətkarların tutulması əməliyyatında iştirak etməyə razı salıblar. İnandırıcı olsun deyə, söhbət videobağlantı vasitəsilə baş tutub. Təqaüdçü fırıldaqçıların göstərişlərinə əməl edərək 80 milyon rubldan çox pulu guya təhlükəsiz hesablara köçürüb. Bundan sonra onlar hesabların yenidən aktivləşdiriləcəyini, bunun 6 aya qədər çəkə biləcəyini, lakin proseduru sürətləndirmək mümkün olduğunu bildirdilər. Bunun üçün zərərçəkmiş kuryerə daha beş milyon rubl verib.

Lakin göstərilən vaxt pul qaytarılmayıb. Zəng edənlər əlaqəni dayandırıb və bütün yazışmalar silinib. Bununla da fırıldaqçılar təqaüdçünün 87 milyon rublunu mənimsəyiblər.

Valeh