Hadisə

Azərbaycanda gənc qızla oğlan faciəli şəkildə öldü - Foto

13 İyun 2025 23:45

Şəmkir rayonunda su kanalında iki nəfər boğularaq ölüb.

Publika.az xəbər verir ki, bu barədə FHN-dən bildirilib.

Belə ki, nazirliyinin (FHN) “112” qaynar telefon xəttinə Şəmkir rayonu, Mehrili kəndində Şəmkirçay su anbarında 2 nəfərin batması barədə məlumat daxil olub.

Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Həyata keçirilən axtarış tədbirləri nəticəsində su anbarında batanlardan birinin meyiti tapılaraq çıxarılıb və aidiyyəti üzrə təhvil verilib. Axtarışlar davam etdirilir.

Teleqraf-ın məlumatına görə, 2004-cü il təvəllüdlü Ümid İbrahimovun nəşi sudan çıxarılıb. Su anbarında batan ikinci şəxs 2005-ci il təvəllüdlü Aliyə Həsənovadır.

Faktla bağlı Şəmkir rayon Prokurorluğunda araşdırma aparılır.