Titrəyən divarlar və qan: İki partlayış Niderlandın “ürəyini” İFLİC ETDİ - YENİLƏNDİ

Xəbər verdiyimiz kimi, Niderlandın Utrext şəhərinin mərkəzində iki partlayış baş verib.

Publika.az xəbər verir ki, "RTV Utrext" ilkin məlumatlardan fərqli olaraq çox sayda ölənin oldunu bildirib.

Qeyd edilib ki, yalnız bir nəfərin yaralandığı rəsmi olaraq bildirilsə də, Utrext Universiteti Tibb Mərkəzinin regional təhlükəsizlik xidmətinin tələbi ilə "fəlakət xəstəxanası"nı açması hakimiyyət orqanlarının çox sayda qurbanı qəbul etməyə hazırlaşdığını göstərir. Xəstəxana sözçüsü izah edib ki, bu, adətən yalnız çox sayda itki gözlənildiyi zaman baş verir.

"Çox güclü bir partlayış səsi eşitdik. Dayanacaq titrəyirdi, sözün əsl mənasında yuxarı-aşağı titrəyirdi. Çölə qaçdıq və qan içində insanları, dağılmış fasadları və mağazaların vitrinlərini, hər yerdə zibil gördük", - Şahid Patrik Tomassen televiziya kanalına verdiyi açıqlamada bildirib.

"Bu, tamamilə xaos idi. İkinci partlayışdan sonra düşündüm ki, 'Lənət olsun, yaxşı, indi qaçmalıyıq'. Sadəcə sağ olduğuma sevinirəm", - digər sakin canlı yayımda deyib.

Utrextdəki vəziyyət GRIP 2 kimi təsnif edilib, yəni regional fövqəladə vəziyyətdir. Hadisə yerinə iki tibbi helikopter də daxil olmaqla, böyük bir təcili yardım qrupu göndərilib. Utrext meri Şeron Dijksma hazırda faciənin səbəbi ilə bağlı qəti qərar verməkdən çəkinir, lakin digər ssenarilərlə yanaşı, qaz partlayışı da nəzərdən keçirilir.

xxx

20:00

Niderlandın Utrext şəhərinin mərkəzində iki partlayış baş verib.

Publika.az xəbər verir ki, bu barədə RTL məlumat yayıb.

Bildirilib ki, hadisə Vissersteg məhəlləsində güclü yanğına səbəb olub.

Partlayış dalğası o qədər güclü olub ki, qonşu binalardakı pəncərələr sınıb, binaların fasadları isə dağılıb.

Utrext şəhər yanğınsöndürmə idarəsinin məlumatına görə, hadisə nəticəsində bir nəfər xəsarət alıb.