Bu dəfə Bakı xəstəxanasında dəhşət: özünü 5-ci mərtəbədən atdı

Bakıdakı xəstəxanalardan birində intihar hadisəsi baş verib.

Lent.az-ın məlumatına görə, dünən saat 18 radələrində Respublika Nevrocərrahiyyə Xəstəxanasında Tovuz rayon sakini, 1970-ci il təvəllüdlü Əsgərov Qoşqar İsrail oğlu özünü müalicə olunduğu korpusun 5-ci mərtəbəsindən atıb. Ağır vəziyyətdə xəstəxananın reanimasiya şöbəsinə yerləşdirilən 46 yaşlı kişinin həyatını xilas etmək mümkün olmayıb.

Bildirilir ki, Q.Əsgərov mayın 26-da Respublika Nevrocərrayihhə Xəstəxanasına yerləşdirilib və ona kəllə-beyin travması diaqnozu qoyulub.

Xatırladaq ki, analoji hadisə dünən Balakəndə də baş verib. Belə ki, Mərkəzi Rayon Xəstəxanasının terapiya şöbəsində müalicə alan Katex kənd sakini, 1966-cı il təvəllüdlü Zeynullah Məhəmməd oğlu Hudulov 2-ci mərtəbədən özünü atıb. O, özünü atmamışdan öncə bədəninə bıçaqla çoxsaylı xəsarətlər yetirib, boğazını kəsib. Zeynullah Məhəmməd oğlu Hudulov bu gün saat 04:30 radələrində Balakən Mərkəzi Rayon Xəstəxanasının (MRX) reanimasiya şöbəsində keçinib.