Naməlum məxluq Bakıdakı məktəbdə PEYDA OLDU - VİDEO

Bakının Yasamal rayonundakı 286 saylı orta məktəbin mühafizəçisi ruhun hücumuna məruz qaldığını iddia edir. "Novosti Azerbaydjan"ın yaydığı məlumata görə, mühafizəçi gecə məktəbin dəhlizində gəzərkən ruhların ona hücum etdiyini deyib. Hətta həmin anların əks olunduğu video da yayılıb.

Məktəbin direktoru Samir Mehdizadə Publika.az-a açıqlamasında bildirib ki, hadisə mühafizəçinin təqdim edildiyi kimi olmayıb: “Bir neçə ay öncə məktəbin mühafizəçisi gecə dəhlizdə gəzərkən yıxılmışdı. Başqa yazılan məlumatlar doğru deyil. Necə ola bilər ki, ruh hücum etsin? Bu yalan məlumatlardır. Bu barədə məhkəməyə müraciət edəcəm. Məsələnin araşdırılmasını istəyəcəm. Kimin nə marağı ola bilər ki, məktəblə bağlı belə məlumat yaysın? Bu məsələ məhkəmədə aydınlaşacaq. Video material da yayılıb, ona hələ baxmaq imkanım olmayıb. Həmin videonun bizim məktəbdən çəkilib-çəkilmədiyini dəqiq bilmirəm”.

Direktor bildirib ki, həmin mühafizəçi özəl şirkətin əməkdaşıdır və artıq bizim məktəbdə işləmir.

“İşdən çıxma səbəbi isə özəl şirkətin özünün qərarıdır. O yıxılandan sonra onunla danışmışdıq, belə bir şey deməmişdi”.

Gülxar