Cənubi amerikalıların qırğını ilə başlayır

Braziliyada keçirilən dünya çempionatı davam edir.

Publika.az xəbər verir ki, bü gün 1/8 final mərhələsinin qarşılaşmalarına start veriləcək. İlk 2 qarşılaşmada Cənubi Amerika komandaları üz-üzə gələcək.

Əvvəlcə meydana Braziliya və Çilli milliləri çıxacaq. Bu komandalar eyni qitəni təmsil etdiklərindən bir birlərini yaxşı tanıyırlar. Braziliya – Çili duelində statistika meydan sahiblərinin xeyrinədi. Braziliya son 12 qarşılaşmanın 10-da Çiliyə qalib gəlib. 2 görüş isə heç-heçə başa çatıb. Çili tarix boyu Braziliyanı səfərdə məğlub edə bilməyib.

İndiyə qədər 68 dəfə qarşılaşan komandaların duelindən 48 dəfə Braziliya, 7 dəfə Çili qalib ayrılıb. 13 qarşılaşmada bərabərlik qeydə alınıb.

Günün 2-ci qarşılaşmasında isə Kolumbiya ilə Uruqvay münasibətləri aydınlaşdıracaq. Komandalar indiyə qədər 38 dəfə üz-üzə gəliblər. 11 oyunda Kolumbiya, 18 qarşılaşmada isə Uruqvay qalib gəlib. 9 oyun heç-heçə bitib.

1/8 final

21.00 Braziliya – Çili

Cəzalı: yoxdu

Hakim: Hovard Uebb (İngiltərə)

Belu Orizonte. “Estadio Mineyrao” satdionu.

01.00 Kolumbiya – Uruqvay

Cəzalı: Suares

Hakim: Byorn Kuypers (Hollandiya)

Rio de Janeyro. “Marakana” stadionu.