Avropa Liqası: "Qarabağ"ın oyununda 3 qol - (YENİLƏNDİ)

Matç 2:1 hesabı ilə başa çatdı.

***

23:40

Qarabağ daha bir qol buraxdı.

İonnoi matçın 89-cu dəqiqəsində APOEL-in 2-ci qolunu vurdu: 2-1.

2:1

***

23:39

Lukas Souza topu qapımızdan keçirdi: APOEL 1:1 Qarabağ

***

22:57

İkinci hissə başladı.

***

22:43

İlk hissə başa çatdı.

***

Qarabağ" klubu Kiprdə APOEL-lə keçirdiyi Avropa Liqasının qrup mərhələsinin IV tur matçında itki ilə üzləşib.

Publika.az xəbər verir ki, 14-cü dəqiqədə Dani Kintana zədələnib. Oyunu davam etdirə bilməyən ispaniyalı yarımmüdafiəçini Maqaye Qeye əvəzləyib.

Qeyd edək ki, hazırda "Qarabağ" hesabda öndədir - 1:0.

***

22:05

10-cu dəqiqədə Maksim Medvedev hesabı açdı: APOEL 0:1 Qarabağ

***

21:55

Oyun başladı.

***

21:25

"Qarabağ" və APOEL (Kipr) komandalarının UEFA Avropa Liqasında qrup mərhələsinin IV tur oyunu üçün start heyətləri açıqlanıb.

Publika.az xəbər verir ki, komandalar meydana aşağıdakı "11-lik"lə çıxacaqlar:

APOEL: 27. Vid Belets, 6. Savvas Gentsoqlu, 8. Lukas Souza, 9, Linus Hallenius, 14. Uroş Matiç, 20. Andriya Pavloviç, 23. Joaozinyo, 29. Praxitelis Vouros, 44. Nikolas Yannu (k), 90. Vuyadin Saviç, 91. Draqan Mixayloviç

"Qarabağ": 1. Asmir Beqoviç, 2. Qara Qarayev, 3. Ailton Silva, 5. Maksim Medvedev, 7. Araz Abdullayev, 8. Miçel, 10. Dani Kintana 14.Rəşad Sadıqov (k), 17. Abdullah Zubir, 20. Riçard Almeyda, 55. Bədavi Hüseynov.

Qeyd edək ki, bu gün Nikosiyadakı "GSP Arena"da keçiriləcək matç Bakı vaxtı ilə saat 21:55-də başlanacaq.

CANLI YAYIMı buradan izləyə bilərsiniz.

***

20:28

Azərbaycan çempionu "Qarabağ" bu gün növbəti avrokubok oyununu keçirəcək.

Publika.az bildirir ki, Avropa Liqasının qrup mərhələsində mübarizə aparan Ağdam klubu Kiprdə APOEL ilə görüşəcək.

Bu, Qurban Qurbanovun yetirmələrinin II dövrədə ilk qarşılaşması olacaq. Üç turdan sonra 4 xalla A qrupunda 2-ci pillədə qərarlaşan "Qarabağ" 1/16 final şanslarını çətinə salmamaq üçün səfərdə uduzmamalıdır.

Çempionlar Liqasında APOEL-i səfərdə 2:1 hesabı ilə məğlub edən ağdamlılar eyni uğuru təkrarlamaq əzmindədir. Qələbə ölkə çempionunu 1/16 finala bir addım da yaxınlaşdıracaq. Heç-heçə də "Qarabağ"ı ikincilik mübarizəsində daha şanslı saxlayacaq.

Qeyd edək ki, turun digər oyununda "Düdelanj" "Sevilya" ilə görüşəcək. İspaniya klubu bu turdan asılı olaraq nəinki 1/16 finala vəsiqəni, hətta 1-ci yeri də təmin edə bilər.

Avropa Liqası

Qrup mərhələsi

IV tur, A qrupu

7 noyabr

21:55. APOEL (Kipr) - "Qarabağ" (Azərbaycan)

Baş hakim: Manuel Şuttenqruber

Baş hakimin köməkçiləri: Roland Brandner, Robert Steynaşer

Dördüncü hakim: Kristofer Yaqer (hamısı Avstriya)

Hakim-inspektor: Georgios Bíkas (Yunanıstan)

UEFA nümayəndəsi: Ariel Kennet Şeyman (İsrail)

Nikosiya. GSP stadionu