İdman

"Audi" və "Porsche" "Formula 1"də

4 May 2022 10:20

"Audi" və "Porsche" artıq "Formula 1"dədir. Bu barədə məlumatı "Volkswagen Group"un rəhbəri Herbert Diss verib. Hər iki marka 2026-cı ildə çempionata daxil olacaq.

Publika.az-ın xəbərinə görə, Herbert "Porsche"nin daha ciddi addımlar atdığını qeyd edib, lakin əlavə məlumat verməyib.

Hər iki markanın idmana gəlişinin 2026-cı ilə nəzərdə tutulan yeni motor reqlamenti ilə bağlı olması çoxuna məlumdur. Görüşlərdə hər iki şirkətin mühəndisləri də iştirak edib. Belə görünür ki, onları gələcək motorlar qane edib ki, Diss artıq bu barədə açıqlama verib.

Qeyd edək ki, "Porsche" uzun müddətdir ki, "Red Bull" ilə danışıqlar aparır və komandanı güc qurğusu ilə təchiz etməkdə maraqlıdır. "Audi"nin potensial tərəfdaşları arasında isə 3 komanda var: "McLaren", "Sauber" və “Aston Martin".