Abramoviç "Çelsi"ni ona SATDI

Rus iş adamı Roman Abramoviçə məxsus Londonun “Çelsi” Futbol Klubu milyarder Todd Boelinin rəhbərlik etdiyi Amerika konsorsiumu tərəfindən alınıb.

Publika.az "Ridus"a istinadla xəbər verir ki, bu barədə Böyük Britaniya hökumətinin saytında dərc olunmuş sənəddə deyilir.

Daha əvvəl məlum olub ki, “Çelsi” 5,3 milyard dollar dəyərində nəzarət paketinin satışının şərtlərini razılaşdırsa da, Abramoviç Britaniya hökumətinin təklif etdiyi sövdələşməni qəbul etməkdən imtina edib.

Daha sonra tərəflər fikir ayrılıqlarını aradan qaldıraraq klubun Abramoviçə olan 1,6 milyard funt-sterlinq borcunu razılaşdırıblar.

Abramoviç bu ölkənin vətəndaşı olduğu üçün sövdələşmə təkcə Britaniya hökuməti deyil, həm də Portuqaliya hakimiyyəti tərəfindən bəyənilib.

Britaniyalı milyarder Cim Ratkliff "Çelsi"ni almaq üçün müraciət edib. O, 4 milyard funt sterlinq (təxminən 5 milyard dollar) ödəməyə hazır idi.

Xatırladaq ki, martın 12-də İngiltərə Premyer Liqasının (APL) rusiyalı iş adamı Roman Abramoviçi “Çelsi” futbol klubunu idarə etməkdən uzaqlaşdırdığı məlum olub. Eyni zamanda, fevralın 26-da o, eyniadlı fondunu qəyyumlarının nəzarətinə vermək qərarına gəlib

Abramoviç “Çelsi”ni aldığı 2003-cü ildən bu yana komanda beş dəfə liqa və İngiltərə kubokunu, həmçinin iki dəfə Çempionlar Liqası və Avropa Liqasını qazanıb.