Mustafa izah etdi: LGBT simvollu formanı niyə geyinmədiyini

“Nant”ın hücumçusu Mustafa Məhəmməd “Tuluza” ilə Liqa 1 matçında (0:0) iştirak etməmək qərarını komandasının formasındakı göy qurşağı simvolları ilə izah edib.

Publika.az xəbər verir ki, forvard istənilən müxtəlifliyə hörmət etdiyini, lakin öz inancına da hörmət gözlədiyini bildirib.

“Tuluza” ilə oyunda iştirak etməmişəm. Mən ümumiyyətlə polemikaya girmək istəmirəm, amma mövqeyimi bildirməliyəm. Müxtəlifliyə hörmət etmək, başqasına hörmət etmək, özünə hörmət etmək, ortaq bir şeyə hörmət etmək deməkdir.

İstənilən müxtəlifliyə, inanca hörmət edirəm. Mənim hörmətim başqalarına aiddir, amma öz inancıma da hörmət edirəm. Köklərimi, mədəniyyətimi, inancımı nəzərə alaraq bu matçda iştirak etməyim mümkün deyildi.

Ümid edirəm ki, qərarıma hörmətlə yanaşılacaq”, – deyə Məhəmməd “Tvitter” hesabında yazıb.