Kubalı memar Messini bu malikanəyə layiq görür - FOTOLAR

Bu yay "İnter Mayami"yə transfer olunan Lionel Messinin karyerasında yeni dönəm başladığını deyə bilərik. PSJ-də keçirdiyi 2 il ərzində böyük uğurlar əldə edə bilməyən və parisli azarkeşlərlə ulduzu barışmayan argentinalı forvarda ABŞ-da əsl əfsanə kimi münasibət göstərilir.

Onun nəinki oyunlarına, hətta atdığı hər addımına böyük önəm verilir. Sərgilədiyi oyun və vurduğu qollarla futbolu sevməyən amerikalılarda bu idman növünə böyük maraq yarada bilib.

Qeyd etdiyimiz kimi, onun okeanın o tayında keçirdiyi hər gün xüsusidir. Təkcə yaşıl meydanlardakı çıxışı deyil, şəxsi həyatı da maraqla, rəğbətlə izlənilir. Leoya sevgi bəsləyən insanlardan biri olan memar Xorxe Luis Velis Kinta maraqlı addım atıb. O, Messinin Mayamidəki gələcək evinin layihəsini hazırlayaraq ictimaiyyətə təqdim edib. Malikanə Atlantik okeanın üzərində təsvir edilib.

Kubalı memar futuristik dizaynları ilə tanınır. Amma görünür bu dəfə bütün istedadının və bacarıqlarının üstündə əsər yaradıb.

Velis Kinta layihə haqqında ətraflı məlumat verməsə də, yəqin ki, layihəni Messiyə hədiyyə edə bilər.

Heybət