Özünü moda dünyasına atdı: Məşhur futbolçuları o geyindirir

Əvvəllər “Mançester Yunayted”də çıxış edən futbolçu Devid Bellon özünü yeni sənayedə reallaşdırır.

Publika.az xəbər verir ki, bir neçə il əvvəl fransız moda dünyasına yol tapıb və indi məşhur futbolçuları geyindirir.

2003-cü ildə “Mançester Yunayted” rəhbərliyi sensasion transfer həyata keçirdi. Fransalı hücumçu David Bellon “Old Trafford”a gətirildi. İngiltərə klubu ona görə “Sanderlend”in hesabına üç milyon avro köçürmüşdü.

“Mançester Yunayted”də Bellion 40 oyun keçirdi, səkkiz qol vurdu və iki məhsuldar ötürmə etdi.

“Old Trafford”dan ayrıldıqdan sonra “Vest Hem”ə keçdi. Bellion daha sonra “Nitsa”, “Bordo” və “Srvena Zvezda”da çıxış edib. Onun futbolçu karyerası 2016-cı ildə başa çatıb.

Hələ butslarını mıxdan asmamışdan əvvəl fransız futbol oynamağı moda dünyasına olan marağı ilə birləşdirib. İdmandan ayrıldıqdan sonra özünü tamamilə bu sənayeyə həsr etdi.

“Daily Mail” yazır ki, fransız stilistə çevrilib və bir neçə ildir ki, məşhur futbolçularla məsləhətləşmələr aparır. Xüsusilə, Tiemoue Bakayoko Bellionun xidmətlərindən istifadə edir. O, Fransanın “Srvena Star” klubunun formalarının dizaynına da köməklik edib.