"El Klasiko"dakı qalmaqallı qol epizodunun VAR danışıqları yayımlandı - TAM MƏTN

İspaniya Futbol Federasiyası "Real" - "Barselona" matçının (3:2) baş hakimi Sezar Soto Qradonun VAR hakimləri ilə 28-ci dəqiqədə mümkün qol epizodu ilə söhbətinin səs yazısını dərc edib.

Publika.az xəbər verir ki, “Marca” nəşri müvafiq stenoqramı paylaşıb.

Künc zərbəsindən sonra Lamin Yamal qapıya zərbə endirib. Onun zərbəsini Andrey Lunin çətinliklə qapı xəttində dəf edib və VAR-a baxdıqdan sonra hakimlər topun qapı xəttini keçmədiyinə qərar verdibər.

VAR: "Gəlin yoxlayaq, Sezar. Bir az gözlə, oyuna başlama".

Soto Qrado: “Gözləyirik. Avtomatik qol qeyd sistemi yoxdur. VAR-ı gözləyirik. Bəlkə də qol idi. Avtomatik qol qeyd sistemi yoxdur”.

VAR: “Serxio, topun Luninin əlcəkləri ilə təmas nöqtəsində dayan. Bir saniyə gözləyin, çünki 360 dərəcə bir baxış edirik, çünki ehtiyacımız olan bucaq yoxdur.

Soto Qrado: “Ümid edirik. Biz bilmirik".

VAR: “Görünüş Luninin bədəni tərəfindən bloklanıb. Bir saniyə gözləyin. Biz hələ də sübut axtarırıq. Bu da yaramır, bu da, bu da, bu da, üstəlik, bu da mənə yaramır...”

Soto Qrado: “Tələsmirik, bu çox vacib qərardır, tələsmirik, bütün kameraları yoxlayın”.

VAR: “Görüntülərdə heç də yoxdur. Artıq kameraların olmadığını təsdiq edirik?"

Soto Qrado: “Biz tələsmirik. Gözləmək daha yaxşıdır. Biz gözləməliyik”.

VAR: “Sezar, biz oyunu künc zərbəsi ilə yenidən başlayacağıq, topun xətti keçdiyinə dair heç bir sübutumuz yoxdur, ona görə də oyun künc zərbəsi ilə yenidən başlasın. Topun xətti keçdiyinə dair heç bir sübutumuz yoxdur. Künc zərbəsi".

Qeyd edək ki, “Barselona”nın prezidenti Xoan Laporta “El Klasiko”da hakimlərin səhvən kataloniyalıların qolunu qeyd almadığı sübut olunacağı halda, klubun “Real”la oyunun təkrar keçirilməsini tələb edə biləcəyini bildirib.

Heybət