İdman

Ronaldinyo Bakıda belə qarşılandı - FOTO/VİDEO

12 Noyabr 2024 23:36

Braziliya millisinin heyətində dünya çempionu olmuş məşhur futbolçu Ronaldinyo Bakıya gəlib.

Publika.az xəbər verir ki, o, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak məqsədi ilə ölkəmizə səfər edib.

Ronaldinyonu hava limanında idman ictimaiyyəti, rəsmi şəxslər və media mənsubları qarşılayıblar.

xxx

18:34

Hazırda Bakıda keçirilən və noyabrın 22-də qədər davam edəcək Birləşmiş Millətlər Təşkilatının İqlim Dəyişmələri üzrə Çərçivə Konvensiyası - COP29-da ulduz futbolçu Ronaldinyo da iştirak edə bilər.

Publika.az Ölkə.az-a istinadla xəbər verir ki, sosial şəbəkələrdə yayılan fotoya istinadla bu qənaətə gəlmək olar.

Belə ki, COP29 iştirakçıları üçün hazırlanmış yaxa kartları (bəcik) arasında Ronaldinyo ləqəbi ilə tanınan braziliyalı futbolçu Ronaldo de Assis Moreyranın da fotosu yer alıb.

Sözügedən kartın üzərində 12-15 noyabr tarixləri qeyd olunub.

Hazırda onun Bakıya gəlib-gəlmədiyi barədə dəqiq informasiya yoxdur.