İdman

O, Zidanla görüşmək istəyir: 18 il əvvəl baş verənlərə aydınlıq gətirməliyik

21 Noyabr 2024 15:36

İtaliya milli komandasının sabiq müdafiəçisi Marko Materatsi 2006-cı il dünya çempionatının finalında Zinəddin Zidanla arasında yaşanan münaqişə haqda danışıb.

Publika.az xəbər verir ki, o, Zidanla görüşərək aralarındakı məsələni həll etmək istədiyini bildirib:

“Uzun müddət keçib, amma heç vaxt danışmamışıq. Belə imkanım olmayıb. Düzünü desəm, onunla danışmağa hazıram. Zidan hələ də böyük futbolçudur.

18 il əvvəl baş verənləri müzakirə edib, sadəcə olaraq bir çox məsələyə aydınlıq gətirə bilərik. Biz peşəkarıq”.

İtaliya 2006-cı ildə Fransa yığmasını penaltilər seriyasında məğlub edərək dünya çempionu olub. Finalın 110-cu dəqiqəsində Materatsi ilə Zidan arasında söz davası yaranıb və bundan sonra fransalı əfsanə italyanlının sinəsinə başı ilə zərbə endirib. Nəticədə qırmızı vərəqə alaraq meydandan qovulub.

Maraqlıdır ki, bu hadisə Zinəddinin karyerasındakı son oyununda baş verib.

Heybət