İdman

Qalmaqallı ingilis hakimin daha bir əməli üzə çıxdı: Görün nə edib

27 Noyabr 2024 17:46

İngiltərə Futbol Assosiasiyası (FA) hakim Devid Kutun matça mərc etmək iddiası ilə bağlı araşdırma aparır.

Publika.az xəbər verir ki, bu barədə "The Sun" məlumat yayıb.

İttihamlar 2019-cu ilin oktyabrın 1-də "Lids" - "Vest Bromviç" arasında keçirilən Çempioşip matçı ilə bağlıdır. Kut "Lids"in futbolçusu Ezjan Alioskinin sarı vərəqəsinə mərc edən tanışı ilə anlaşıb. Matçın 18-ci dəqiqəsində hakim adıçəkilən oyunçuya sarı vərəqə göstərib.

Devid Kut daha 2 qalmaqalın iştirakçısıdır. O, "Liverpul"u və sabiq baş məşqçisi Yurgen Kloopu təhqir edib. Bir neçə gün sonra isə onun Avro-2024-də çalışarkən narkotik maddə qəbul etməsi ilə bağlı video yayılıb.

Bütün bu əməlləri 42 yaşlı hakimin fəaliyyətinin dondurulması və haqqında araşdırma aparılması ilə nəticələnib.

Heybət