İdman

Qvardiola gələcək karyerasından danışdı: "Siti"dən sonra nə edəcək?

11 Dekabr 2024 15:17

"Mançester Siti"nin baş məşqçisi Pep Qvardiola gələcək karyerası barədə danışıb.

Publika.az xəbər verir ki, Qvardiola İngiltərə komandasından ayrıldıqdan sonra başqa klubda işləmək fikrində olmadığını bildirib.

“Başqa komandanı çalışdırmaq fikrində deyiləm. Mən uzunmüddətli gələcək haqqında danışmıram, amma “Mançester Siti”ni tərk edib, başqa ölkəyə getmək və indi etdiyim işi görmək fikrində deyiləm.

Bunu etməyə gücüm çatmaz. Başqa yerdən başlamaq fikri, bütün məşq prosesi və sair... Yox, yox, bunlar olmaz!

Ola bilsin ki, milli komandada çalışım. Bu, başqadır, amma yenə fikirləşmək lazımdır”, - deyə o vurğulayıb.

Qeyd edək ki, ispan mütəxəssis 2016-cı ildən “Mançester Siti”yə rəhbərlik edir. 53 yaşlı Qvardiola "şəhərlilər"lə müqaviləsini noyabrda 2027-ci ilin yayına kimi uzadıb.

Heybət