AFFA "Turan Tovuz"u cərimələdi: Qərb derbisində yaşananlara görə
Bizi izləyin
Aptekonline

İdman

AFFA "Turan Tovuz"u cərimələdi: Qərb derbisində yaşananlara görə

AFFA İntizam Komitəsinin növbəti iclası keçirilib.

Publika.az xəbər verir ki, toplantıda Azərbaycan Premyer Liqasının 19-cu turunda keçirilən “Kəpəz” - “Turan Tovuz” matçında baş verənlərlə bağlı qərarlar açıqlanıb.

5 futbolçusu sarı vərəqə aldığına görə Tovuz klubu 700 manat cərimə edilib. Eyni zamanda, azarkeşləri tərəfindən meydançaya kənar əşyalar atıldığına görə nominal qonaqlar daha 800 manat cərimə ödəməli olacaq.

Fanatlar tərəfindən hakimlərin və rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə təkrarlandığına görə “Turan Tovuz” 1000 manat cərimə edilib. Azarkeşlər tərəfindən pirotexniki vasitədən istifadə edildiyinə görə kluba daha 1500 manat cərimə kəsilib.

Qeyd edək ki, “Turan Tovuz” qərb derbisində yaşananlara görə ümumilikdə 4000 manat cərimələnib.

Heybət

Oxumağa davam et
Reklam
Reklam

Gündəm

Aptekonline