İdman

Laporta Ceferinlə bağlı qapılar arxasında görüşübmüş...

10 İyun 2025 07:35

“Barselona”nın prezidenti Joan Laporta UEFA prezidenti Aleksander Çeferin ilə görüşərək Kataloniya klubunun problemlərini müzakirə edib.

Publika.az xəbər verir ki, bu barədə “Marca” məlumat yayıb.

Mənbənin məlumatına görə, görüş iyunun 8-də Portuqaliya və İspaniya arasında Millətlər Liqasının finalının keçirildiyi Münhendə baş tutub.

Bildirilir ki, Laporta və Ceferin arasında danışıqlar bağlı qapılar arxasında keçirilib, söhbətin əsas mövzusu “Barselona”nın maliyyə qaydalarını pozduğuna görə gözlənilən cəza olub.

Xüsusilə UEFA, klubun gələcək televiziya hüquqlarının və UEFA-nın adi gəlir kimi tanımadığı digər aktivlərin satışı ilə bağlı maliyyə manevrlərindən (leverage) gəlirləri necə qeydə aldığına baxıb.

Laporta görüşdən istifadə edərək UEFA-nın klubu daha yüngül cəzalandıracağına ümid edərək, bəzi detalları birbaşa Çeferinə izah edib.