Lukaku Bruynenin transferindən danışdı: Bu, xoş olmaya bilər

“Napoli”nin hücumçusu Romelu Lukaku “Mançester Siti”dən ayrılaraq İtaliya klubuna keçən Belçika millisindəki komanda yoldaşı Kevin De Bruynenin transferini şərh edib.

Publika.az xəbər verir ki, o, həmyerlisinin keçidi haqqında bu sözləri deyib:

“Kevin bizə qoşulduğu üçün sevincliyəm. O, məhz “Napoli”nin növbəti addımı atması üçün çatışmayan hissə idi. Biz təzəlikcə çempion olduq və yalnız titulu qorumaq yox, daha da güclənmək istəyirik.

Biz bu haqda millidə bir neçə dəfə danışdıq. O bir dəfə zəng də etmişdi. Mən də ona buradakı vəziyyəti izah etdim, ev axtarışı və digər şeylər barədə danışdım. Drisslə birlikdə (Mertens) Kevinə düzgün seçim etməsi üçün əlimizdən gələni etdik.

“Napoli”də oynayan futbolçu çox sevgi görür. Kevin bunu yaşayacağı üçün sevinirəm. İtaliyada futbol oynamaq heç nə ilə müqayisə edilə bilməz. Burada başqa yerdə görməyəcəyin bir ehtiras var. Amma bunun başqa tərəfi də var… Vəziyyət pis olanda azarkeşlər məşqlərə gəlir. Bu, xoş olmaya bilər, amma sənə hər gün maksimumunu verməli olduğunu xatırladır”.