İdman

Elvin Cəfərquliyev: Bununla kifayətlənmək olmaz

2 Oktyabr 2025 10:36

"Bununla kifayətlənmək olmaz. Növbəti oyunlarda da azarkeşləri sevindirərik".

Publika.az xəbər verir ki, bu sözləri "Qarabağ"ın futbolçusu Elvin Cəfərquliyev "Kopenhagen"lə Çempionlar Liqasının 2-ci tur oyununu (2:0) dəyərləndirərkən deyib. O, rəqibi yaxşı təhlil etdiklərini və bu qələbənin onlara inam verdiyinu bildirib:

"Oyun çox çətin keçdi. Rəqibi analiz etmişdik. Son oyunlarına da baxmışdıq. Çempionla Liqasnda zəif rəqib yoxdur, bunu bilirik. Şükürlər olsun ki, qələbə qazandıq. Biz özümüzə inanırıq. Növbəti matçlara da yaxşı hazırlaşıb, hər kəsi sevindirmək istəyirik".

Azərbaycanlı futbolçu liqa mərhələsini adlamağa imkanı verən "24-lüy"ə düşmək şansları barədə danışıb:

"Niyyətimiz sadəcə meydana çıxaraq öz oyunumuzu oynamaq, qələbə qazanmaqdır. Sonda nə olacağını yalnız Allah bilir. İnşallah yaxşı olar".

Heybət