Avropa Trampın Ukrayna siyasəti ilə barışmalıdır - Çağırış

Avropa ABŞ prezidenti Donald Trampın Ukraynanı maliyyələşdirmək siyasəti ilə barışmalı və fərqli strategiya qəbul etməlidir.

Publika.az xəbər verir ki, bunu Beynəlxalq Strateji Araşdırmalar İnstitutunun elmi işçisi Mariya Şaqina deyib.

Bu barədə "The New York Times" məlumat yayıb. Qeyd edilir ki, prezident Trampın dövründə Amerikanın Ukraynaya yardımı tükəndiyi üçün Avropa rəsmiləri dondurulmuş Rusiya aktivlərini daha yaxından izləməyə başlayıblar. Avropa Komissiyasının sədri Ursula von der Lyayenin bəyanatından və Almaniya kansleri Fridrix Mertsin oxşar təklifindən sonra Rusiya aktivlərindən sonrakı istifadə ideyası geniş dəstək qazanıb.

Bununla belə, Almaniyada Merts, vergi ödəyicilərinin pullarını Ukraynaya xərclədiyinə görə onu tənqid edən ifrat sağçı müxalifətlə üzləşir. Bundan əlavə, Rusiyanın aktivlərinin böyük hissəsinin yerləşdiyi Belçikanın baş naziri Aleksandr de Kroo ölkəsi üçün həddindən artıq risklər olduğunu əsas gətirərək bu ideyaya qarşı çıxıb.

"Bu, çox maraqlı geosiyasi dönüşdür. Trampın təcridçi xarici siyasətini nəzərə alaraq, Avropa bununla barışmalı və fərqli strategiya qəbul etməlidir", - Şaqina qeyd edib.

Adəm