Bu gün MDB Oyunlarında 11 idman növü üzrə yarışlar keçiriləcək
Bizi izləyin
Aptekonline

İdman

Bu gün MDB Oyunlarında 11 idman növü üzrə yarışlar keçiriləcək

Azərbaycanın ilk dəfə ev sahibliyi etdiyi III MDB Oyunlarının 9-cu günündə 11 idman növü üzrə yarışlar keçiriləcək.

Publika.az xəbər verir ki, Şəki şəhər stadionunda çövkən üzrə yarımfinal görüşləri olacaq. Azərbaycan millisi finala vəsiqə uğrunda oyunda Qazaxıstanla qarşılaşacaq.

Qəbələ şəhər stadionunda isə Azərbaycanın 16 yaşadək futbolçulardan ibarət yığması final matçına çıxacaq. Rəqib Rusiyanın müvafiq yaş qrupundan ibarət seçməsi olacaq.

Qəbələdə, həmçinin badminton yarışları təşkil ediləcək.

Gəncədə güləş, qılıncoynatma, atıcılıq və voleybol yarışları keçiriləcək.

Göygöldə cüdo yarışlarına start veriləcək. Mingəçevirdə karate, Yevlaxda boks, Xankəndidə isə kamandan oxatma yarışları davam etdiriləcək.

Qeyd edək ki, III MDB Oyunlarına oktyabrın 8-də yekun vurulacaq.

Oxumağa davam et
Reklam
Reklam

Gündəm

Aptekonline