Dani Alveşdən bu dəfə şad xəbər gəldi: 42 yaşında üçüncü dəfə...

"Barselona"nın və Braziliya millisinin sabiq müdafiəçisi Dani Alveş ata olub.

Publika.az xəbər verir ki, 42 yaşlı veteran futbolçunun evli olduğu model Xoana Sansdan qız övladı dünyaya gəlib.

Cütlük hələlik rəsmi açıqlama verməyib. Bununla belə, altı həftə əvvəl gələcək övladları üçün hazırlanmış uşaq otağının şəklini paylaşan Xoana bu gün təşəkkür sözləri ilə birlikdə ona göndərilmiş gül dəstəsinin fotosunu paylaşaraq vacib hadisəyə işarə edib.

Alveşin ilk nikahından iki yeniyetmə övladı var. O, hələ sosial şəbəkələrini yeniləməyib. Körpənin dünyaya gəldiyini isə məşhurlar haqqında yazan ispan saytı "Vanitatis" xəbər verib.

Yeni doğulan qızın tam adı açıqlanmasa da, ehtimala görə J hərfi ilə başlayır. O, cütlüyün ilk övladıdır. Xoana hamilə olduğunu 912 min izləyicisi ilə bu ilin mart ayının sonunda bölüşüb. Üç dəfə uşağını itirmiş və süni mayalanma (EKO) prosesi keçmiş Xoana həmin xəbəri duyğulu bir video ilə paylaşaraq göz yaşlarını güclə saxlaya bilmişdi.

Qeyd edək ki, karyerasının bitməsi ilə nəticələnən təcavüz qalmaqalı ilə gündəmə gələn Alveş Kataloniya məhkəməsinin martın sonunda keçirilən iclasında seksual zorakılıq işi üzrə təqsirsiz elan edilmişdi.

Heybət