İdman

Məşhur klubun baş məşqçisi öldü

9 Oktyabr 2025 09:42

"Boka Xuniors" klubunun baş məşqçisi Miqel Anxel Russo vəfat edib.

Publika.az xəbər verir ki, bu barədə klubun rəsmi saytı məlumat yayıb.

Məşqçi 69 yaşında dünyasını dəyişib.

“Miqel klubumuzun tarixində silinməz iz buraxıb və hər zaman sevincin, səmimiyyətin və zəhmətkeşliyin nümunəsi kimi xatırlanacaq. Bu ağır zamanda onun ailəsinə və yaxınlarına dərin hüznlə başsağlığı veririk”, – deyə klubun açıqlamasında bildirilir.

Yayda “Boka”nın başına keçmiş argentinalı mütəxəssis bu həftə səhhətindəki problemlərlə əlaqədar xəstəxanaya yerləşdirilmişdi.

Futbolçu kimi Russo karyerasını tamamilə “Estudiantes”də keçirib və 418 oyuna çıxıb. 1989-cu ildən məşqçilik fəaliyyətinə başlayaraq “Lanus”, “Velez”, “San-Lorenso”, “Al-Nəsr”, “Millonarios”və “Estudiantes” kimi klublarda da çalışıb.

Heybət