Görün məşhurlar mağazadan nə oğurlayıblar

İtaliya Üzgüçülük Federasiyası 2022-ci ilin brass üzrə dünya çempionu Benedetta Pilato və üzgüçü Çiara Tarantinonu Sinqapur hava limanında ətir oğurladığına görə 90 gün müddətinə yarışlardan kənarlaşdırıb.

Publika.az xəbər verir ki bu barədə “Sweden Herald” məlumat yayıb.

İtaliyalı idmançılarla bağlı insident avqustun 14-də Sinqapur hava limanında Dünya Çempionatından sonra rüsumsuz mağazada baş verib. CCTV kameraları Tarantinonun ətri götürüb Pilatonun çantasına gizlətdiyini çəkib. Daha sonra idmançılar malların pulunu ödəmədən mağazanı tərk ediblər. İtaliyalı idmançılar hadisədən sonra yerli polis tərəfindən saxlanılıb. Bir neçə saatlıq araşdırmadan sonra italyan diplomatların vasitəçiliyi ilə Pilato və Tarantino həbsdən azad edilib.

İdmançılar dekabrın 2-dən 7-dək Polşada keçiriləcək 2025-ci ildə qısa məsafəli üzgüçülük üzrə Avropa çempionatında iştirak edə bilməyəcəklər.

İyirmi yaşlı Benedetta Pilato 100 m brassda DÇ-2022-nin çempionudur. 22 yaşlı Çiara Tarantino 4×100 m qarışıq sərbəst estafetdə 2021-ci il Avropa Çempionatının bürünc mükafatçısıdır.