İdman

"Qara bazar"a böyük zərbə: Düz 40 ton ələ keçirildi

14 Oktyabr 2025 09:24

Ümumdünya Antidopinq Agentliyi (WADA) hüquq-mühafizə orqanları ilə birgə əməkdaşlıq nəticəsində ümumilikdə 40 ton - 800 milyon doza qadağan olunmuş maddə ələ keçirib.

Publika.az xəbər verir ki, bu barədə WADA-nın prezidenti Vitold Banyka məlumat verib.

“Avropa bazarında 800 milyon doza qadağan olunmuş dopinq maddələri və steroid müsadirə edilib! WADA-nın, gömrük və hüquq-mühafizə orqanlarının, həmçinin milli antidopinq agentliklərinin koordinasiyalı fəaliyyəti, "Europol" və "Interpol"un dəstəyi nəticəsində 40 ton qadağan olunmuş maddə ələ keçirilib, 35 qanunsuz laboratoriya bağlanıb.

Bu, dopinqin qara bazarına, xüsusilə fitnes və idman zalları sahəsində getdikcə böyüyən problemə ciddi zərbədir. Bu mübarizə hökumətlərin ictimai sağlamlığı, dürüstlüyü və idmanın əsl ruhunu qorumaq üçün daha sıx əməkdaşlıq və daha möhkəm iradə göstərməsini tələb edir. Biz bu mübarizədə dayanmayacağıq!”, – deyə Banyka "X" sosial şəbəkəsində yazıb.

Heybət