PFL-dən möhtəşəm addım: Premyer Liqada “Zəfər turu”

Azərbaycan Premyer Liqasının 11-ci turu “Zəfər turu” adlanacaq.

Publika.az xəbər verir ki, bu barədə Peşəkar Futbol Liqası (PFL) məlumat yayıb.

Azərbaycan çempionatının sözügedən turunun oyunları noyabrın 7-8-9-da keçiriləcək. Mərkəzi qarşılaşma isə Azərbaycan derbisi olacaq. “Qarabağ” “Azersun Arena”da “Neftçi”ni qəbul edəcək.

Bundan başqa, görüşlər keçiriləcək saatların 44-cü dəqiqəsinə təyin edilib. Bu, zəfərlə bitən Vətən müharibəsinin 44 gün davam etdirməsini əks etdirir.

Xatırladaq ki, 8 noyabr - 44 günlük Vətən müharibəsindəki qələbə ilə əlaqədar Azərbaycanda “Zəfər Günü” olaraq təsis edilib.

Azərbaycan Premyer Liqası, “Zəfər turu” (11-ci tur)
7 noyabr (cümə)
13:44 “Şamaxı” – “İmişli”
Şamaxı şəhər stadionu.

16:44 “Qəbələ” – “Sumqayıt”
Qəbələ şəhər stadionu.

8 noyabr (şənbə)
15:44 “Araz-Naxçıvan” – “Karvan-Yevlax”
“Liv Bona Dea Arena”.

18:44 “Zirə” – “Turan Tovuz”
Zirə İK stadionu.

9 noyabr (bazar)
15:44 “Kəpəz” – “Sabah”
Qəbələ şəhər stadionu.

18:44 “Qarabağ” – “Neftçi”
“Azersun Arena”.

Heybət