İdman

“Arsenal”a bəd xəbər - Millinin oyununda zədələndi

16 Noyabr 2025 19:36

“Arsenal”ın və Braziliya millisinin mərkəz müdafiəçisi Qabriel Maqalyains Seneqal yığmasına qarşı keçirilən yoldaşlıq oyununda (2:0) zədə alıb.

Publli.az xəbər verir ki, o, matçın 64-cü dəqiqəsində meydanı tərk edib. Oyundan sonra Cənubi Amerika komandasının baş məşqçisi Karlo Ançelotti futbolçunun durumuna münasibət bildirib.

“Qabrielin zədəsinin ciddi olub-olmadığını bilmirəm. Görünür, o, aparıcı əzələsində nəsə hiss etdi. Sabah müayinədən keçəcək. Bunun baş verməsi bizi çox məyus etdi. Ona tezliklə sağalmağı arzulayıram”.

Maqalyains bu mövsüm London klubunun heyətində 17 oyunda iştirak edib, iki qol vurub və üç məhsuldar ötürmə verib.