İdman

Çempion sinə böyütmə əməliyyatından danışdı: Çox ağrılı idi! - FOTO

22 Noyabr 2025 14:20

Yeddiqat Olimpiya çempionu Simone Biles sinə böyütmə əməliyyatından sonra ağır bərpa prosesi barədə danışıb.

Publika.az xəbər verir ki, 28 yaşlı amerikalı gimnast iyun ayında sinəsi implantlarının qoyulduğunu etiraf edib:

“Bu çox ağrılı idi. Özüm hərəkət edə bilmirdim. Tam iki həftə məzuniyyət götürdüm və buna şadam, çünki bərpa prosesi çox çətin oldu”.

Biles həmçinin deyib ki, əməliyyatdan sonra, xüsusilə ilk günlərdə, onu ayağa qalxmağa və tualetə getməyə kömək edən həyat yoldaşı, amerika futbolçusu Conatan Ouens, bərpa müddətində hər zaman yanında olub.

Ağrılı təcrübəyə baxmayaraq, Biles sinə böyütmə qərarından çox məmnun olduğunu söyləyib. “Əlbəttə, hər hansı plastik əməliyyat risklə bağlıdır, amma mən buna getdim”, – deyə 23 qat dünya çempionu qeyd edib.