ÇL: "Qalatasaray"ın növbəti sınağı, Londonda nəhənglərin dueli

Bu gün UEFA Çempionlar Liqasında 5-ci tura start veriləcək.

Publika.az xəbər verir ki, Azərbaycan çempionu "Qarabağ" "Napoli"nin qonağı olacaq. İlk oyun günündə daha 8 qarşılaşma keçiriləcək.

Azərbaycanda kifayət qədər azarkeşi olan Türkiyə təmsilçisi "Qalatasaray" doğma publika önünüdə Belçika "Union"unu qəbul edəcək. Görüş saat 21:45-də başlayacaq.

Eyni vaxtda keçiriləcək digər qarşılaşmada "Qarabağ"ın növbəti turdakı rəqibi "Ayaks" Ağdam klubunun ilk turda üstələdiyi "Benfika" ilə üz-üzə gələcək.

Gecənin ən maraqlı qarşılaşması isə Londonda keçiriləcək. Ötən tur Bakıda "köhlən atlar"la dueldə xal itirən (2:2) "Çelsi" bu dəfə "Barselona" ilə qarşılaşacaq.

"Mançester Siti" "Bayer Leverkuzen"i, "Borussiya Dortmund" isə "Vilyarreal"ı qəbul edəcək.

UEFA Çempionlar Liqası, 5-ci tur
25 noyabr
21:45 Qalatasaray - Union
21:45 Ayaks - Benfika
00:00 Napoli - Qarabağ
00:00 Slaviya - Atletik Bilbao
00:00 Marsel - Nyukasl
00:00 Budo/Qlimt - Yuventus
00:00 Mançester Siti - Bayer Leverkuzen
00:00 Borussiya Dortmund - Vilyarreal
00:00 Çelsi - Barselona

Heybət