"Liverpul" rəhbərliyi Salahla bağlı bu qərarı verdi

Məhəmməd Salah "Liverpul"un Çempionlar Liqası çərçivəsində "İnter"ə qarşı matçında iştirak etməyəcək.

Publika.az xəbər verir ki, bu qərar klub rəhbərliyi və baş məşqçi Arne Slotun birgə razılığı ilə verilib. Salah tamamilə heyətdən kənarlaşdırılıb.

Bu dramatik qərar, Salahın verdiyi qalmaqallı müsahibədən cəmi 48 saat sonra gəlib. Həmin müsahibədə o, "Liverpul"u onu “avtobusun altına atmaq”da ittiham edib, Slotla münasibətinin tamamilə pozulduğunu bildirib və "kimsə məni klubda görmək istəmir", - deyə qeyd edib.

Mənbə bildirir ki, Salahın heyətdən kənarlaşdırılması açıq-aşkar intizam tədbiridir və baş məşqçinin nüfuzunu bərpa etmək, həmçinin paltardəyişmə otağındakı birliyi qorumaq məqsədi daşıyır. Klub daxilində bir çoxları Salahın ictimai tənqidini hesablanmış və zərərli addım kimi qiymətləndirib.

Misirli futbolçu Afrika Millətlər Kuboku üçün yığma komandaya qoşulmalı idi, bu da onun yaxın günlərdəki oyunlarda iştirakını şübhə altına alır.

Qeyd edək ki, "Liverpul" Çempionlar Liqasının 5 oyunu üzrə doqquz xalla 13-cü yerdə qərarlaşıb.

33 yaşlı futbolçu son 3 oyunda ehtiyatda qalıb və indi avrokubokda kritik matçı buraxacaq.

Heybət