Təxirə salınan "Qəbələ" - "Turan Tovuz" oyunu ilə bağlı daha bir QƏRAR - FOTO/YENİLƏNDİ

Misli Premyer Liqasının XIV turunda əlverişsiz hava şəraiti səbəbindən yarımçıq dayandırılan "Qəbələ" - "Turan Tovuz" oyununun davamı sabah keçirilməyəcək.

Peşəkar Futbol Liqasından (PFL) Publika.az-a verilən məlumata görə, turun davam etməsi baxımından matçın sabah bütün texniki imkanların təmin olunması ilə keçirilməsinin mümkün olmadığı müəyyən edilib.

Bu məsələ ilə bağlı hər iki klubun nümayəndələri ilə görüş keçirilib və mövcud vəziyyət barədə məlumat verilib. Matçın keçirilmə tarixi ilə bağlı PFL-in İdarə Heyətinin müzakirəsindən sonra rəsmi məlumat veriləcək.

Qeyd edək ki, sözügedən qarşılaşma hesab 0:0 olarkən qatı duman səbəbindən 24-cü dəqiqədə yarımçıq dayandırılıb.

***

Azərbaycan Premyer Liqasının XIV turu çərçivəsində keçirilən "Qəbələ" - "Turan Tovuz" oyunu təxirə salınıb.

Publika.az Teleqraf-a istinadən xəbər verir ki, buna səbəb Qəbələ şəhərində hökm sürən dumanlı hava şəraitidir.

Görüşün baş hakimi Tural Qurbanov 23-cü dəqiqədə komandaları soyunub-geyinmə otağına göndərib. Hakim briqadası matçın bərpası üçün bir qədər gözləməli olsa da, duman çəkilməyib və qarşılaşma sabaha təxirə salınıb.