ÇL: "Real"ın "Siti" imtahanı, "Qarabağ" kimlərin büdrəməsini arzulayır?

Bu gün UEFA Çempionlar Liqasında 6-cı tura yekun vurulacaq.

Publika.az xəbər verir ki, azərbaycanlı azarkeşlər üçün əsas matç "Qarabağ" - "Ayaks" dueli olacaq. Lakin turnirin 2025-ci il üçün son oyun günündə daha 8 qarşılaşma keçiriləcək.

Bunlardan biri və ən maraqlısı "Real" - "Mançester Siti" qarşılaşmasıdır. Son zamanlar qələbə üzünə həsrət qalan Madrid klubu üçün bu görüş baş məşqçi Xabi Alonsonun komandadakı taleyi baxımından böyük önəm kəsb edir.

"Brügge" - "Arsenal", "Atletik Bilbao" - PSJ, "Benfika" - "Napoli", "Yuventus" - Pafos" görüşləri də avrokuboklardakı yeganə təmsilçimiz "Qarabağ" üçün turnir cədvəli baxımından önəmlidir. Pley-offa vəsiqə qazammaq istəyən təmsilçimizin bu istəyinə daha bir addım yaxınlaşması üçün ilk üç görüşdə qonaqların büdrəməməsi olduqca vacibdir.

UEFA Çempionlar Liqası, 6-cı tur
10 dekabr
21:45 Qarabağ - Ayaks
21:45 Vilyarreal - Kopenhagen
00:00 Yuventus - Pafos
00:00 Benfika - Napoli
00:00 Bayer Leverkuzen - Nyukasl
00:00 Atletik Bilbao - PSJ
00:00 Brügge - Arsenal
00:00 Borussiya Dortmund - Budo/Qlimt
00:00 Real - Mançester Siti

Heybət