“YouTube” videosu Yamalın başına bəla oldu - FOTO

“Barselona”nın gənc ulduzu Lamin Yamal potensial olaraq ona baha başa gələ biləcək bir səhvə yol verib.

Publika.az xəbər verir ki, qlobal “Oppo” brendinin səfirı olan futbolçu “YouTube”-da yayımlanan videolardan birində “Apple”a məxsus telefon və qulaqlıqlar ilə görünüb.

Sosial şəbəkə istifadəçiləri və müvafiq hesablar bu epizoda diqqət çəkib və xəbər sürətlə mediada yayılıb. Mənbələrin məlumatına görə, “Oppo” şirkəti Yamal ilə müqaviləni pozmağı nəzərdən keçirir, çünki futbolçu imiclə bağlı müqavilə öhdəliklərini pozmuş ola bilər.

Hadisə 18 yaşlı futbolçunun karyerasının erkən mərhələsində baş verib və artıq baha başa gələn dərs kimi qiymətləndirilir. Hələlik həm Yamal, həm də “Oppo” rəsmi açıqlama verməyib.

Qeyd edək ki, Lamin Yamal dünyanın ən perspektivli futbolçularından biri hesab olunur və o, təkcə futbol ictimaiyyətinin deyil, həm də böyük kommersiya brendlərinin diqqətini cəlb edir.

View this post on Instagram

A post shared by SICK! (@sickfutbols)