Ronaldo: Məqsədimin nə olduğunu bilirsiniz, inşallah...

"Əl-Nəsr"in və Portuqaliya millisinin hücumçusu Kriştiano Ronaldo "Globe Soccer Awards" mükafatlandırma mərasimində “Yaxın Şərqin ən yaxşı oyunçusu” nominasiyasında qalib gəlməsinə münasibət bildirib.

Publika.az xəbər verir ki, o, əsas hədəfinin 1000 qola çatmaq olduğunu bildirib:

“Davam etmək çətindir, amma bu işə olan həvəsim hələ də çox güclüdür. Mən hələ də yüksək dərəcədə motivasiyalıyam, məhz buna görə oynayıram.

Mən hər zaman futbol oynamaq, titullar qazanmaq, qollar vurmaq istəmişəm. Eyni ruhda davam etmək niyyətindəyəm.

Məqsədimin nə olduğunu bilirsiniz. Daha çox titul qazanmaq və hamınıza məlum olan o rəqəmə çatmaq istəyirəm. İnşallah, ciddi zədələr almazsam, mütləq həmin göstəriciyə çatacağam”.

Qeyd edək ki, portuqaliyalı futbolçu 2024-cü ildə karyerası ərzində 1000 qol həddinə çatmaq istədiyini açıqlamışdı. Hazırda onun aktivində 956 qol var.

Heybət

View this post on Instagram

A post shared by (@soccergenic)