Yamal Ronaldonu həm güldürdü, həm də təriflədi

Dubayda keçirilən "Globe Soccer Awards" mərasimində Lamin Yamal bir neçə mükafata layiq görülüb.

Publika.az xəbər verir ki, ispaniyalı futbolçu ilin ən yaxşı hücumçusu seçilib, həmçinin üstün futbol istedadına görə verilən Dieqo Maradona adına mükafatı qazanıb. Mərasim çərçivəsində ona 2024/25 mövsümünün yekunlarına əsasən La Liqanın ən yaxşı gənc futbolçusu mükafatı da təqdim olunub.

18 yaşlı vinger növbəti dəfə səhnəyə qalxanda aparıcıların ona veriləcək sualları tükənib. Bu zaman Yamaldan azarkeşlərin onun haqqında bilməli olduğu bir məqamı deməsi xahiş olunub.

Lamin buna zarafatla cavab verib: “İnsanlar bir şeyi bilsinlər: mənim evimdə boss anamdır!”

Yamalın bu sözləri zalda əyləşən əfsanəvi hücumçu Kriştiano Ronaldonun təbəssümünə səbəb olub. Lamin mərasimdə Yaxın Şərqin ən yaxşı futbolçusu seçilən Ronaldoya kompliment də edib:

“Özümü hansı oyunçu ilə müqayisə edirəm? Düşünürəm ki, özünü heç kimlə müqayisə etməmək daha yaxşıdır. Kriştiano Ronaldo kimi futbolçular zirvələrə ona görə çatıblar ki, özləri olmağa və öz yollarını açmağa çalışıblar. Mən də eyni şeyi istəyirəm”.

Heybət