İdman

"Siti"nin oyununda ara qarışdı, Qvardiola sülhməramlı oldu - VİDEO

2 Yanvar 2026 16:25

“Mançester Siti”nin qapıçısı Canluici Donnarumma “Sanderlend”in yarımmüdafiəçisi Lyuk O’Nyenlə mübahisə yaşayıb.

Publika.az xəbər verir ki, insident Premyer Liqanın 19-cu turu çərçivəsində Sanderlenddə keçirilən və 0:0 hesabı ilə başa çatan oyundan sonra meydanda baş verib. Ehtiyatda olan O’Nyen matçın sonlarında topu ələ alaraq “şəhərlilər”in autdan oyunu tez başlatmasına mane olub.

Final fitindən sonra Donnarumma O’Nyenə etirazını bildirib və tərəflər arasında gərginlik yaranıb. Münaqişənin böyüməsinin qarşısını hər iki komandanın futbolçuları alıb. Vəziyyətin sakitləşməsində “Mançester Siti”nin baş məşqçisi Pep Qvardiola da rol oynayıb.

İspaniyalı mütəxəssis hadisəyə münasibət bildirərək deyib: “Futbolda belə hallar olur. Heç kim zərər görməyib, ciddi heç nə baş verməyib”.

Heybət