Raul tarixin ən yaxşısını seçdi: “Real” azarkeşləri qəzəblənəcək - FOTO

1994-cü ildən 2010-cu ilə qədər “Real Madrid”də oynamış Raul ən yaxşı futbolçu ilə bağlı sualı cavablandırıb.

Publika.az xəbər verir ki, Raul bu barədə İspaniya mətbuatına danışıb.

“Zidan, Kriştiano Ronaldo, Fiqo kimi oyunçularla oynamaq şansım oldu… Amma düşünürəm ki, Messi ən yaxşısıdır. O, fərqlidir.

O, hər şeyi asan göstərir – qeyri-mümkün hesab etdiyiniz şeyi isə, sadəcə olaraq, küçədə dostları ilə oynayırmış kimi edir”.

Maraqlıdır ki, 2007-ci ildə Raul Messini Maradona ilə müqayisə etmişdi: “Messinin çox gənc olduğunu nəzərə alsaq, belə bir müqayisənin ədalətli olduğunu düşünmürəm. Onu hələ qarşıda çox şey gözləyir, amma onun böyük potensialı artıq göz qabağındadır.

O, izdihamdan seçilir, onun kimi bir oyunçu tapmaq mümkün deyil. İnanılmaz dərəcədə sürətli, meydanda tayı-bərabəri olmayan və ustalıqla driblinq edən oyunçudur. Şübhəsiz ki, bu gün dünyanın ən yaxşı oyunçularından biridir. Onun oyununu izləmək bir zövqdür”.

Karyerası ərzində Raul Real Madriddə 741 oyun keçirib və 323 qol vurub. Bu, onu klub tarixində üçüncü ən çox qol vuran oyunçu edib.