Simeonedən Vinisiusa qarşı təxribat: Peres səni qovacaq - VİDEO

İspaniya Superkubokunun yarımfinal matçında “Atletiko”nun baş məşqçisi Dieqo Simeone ilə “Real”ın hücumçusu Vinisius arasında qalmaqal yaşanıb.

Publika.az xəbər verir ki, argentinalı mütəxəssis istehzalı ifadə ilə braziliyalı ulduzu təxribata çəkməyə çalışıb. “Florentino Peres (red - “Real”ın prezidenti) səni qovacaq, dediklərimi yadında saxla”, – deyə Simeone futbolçuya bildirib.

Daha sonra 81-ci dəqiqədə Vinisiusun əvəzlənməsi zamanı Simeone Vinisiusa tribunaların fit səslərinə qulaq asmağı tövsiyə edib. Bundan sonra braziliyalı futbolçu “Atletiko”nun baş məşqçisinə qışqırıb və sarı vərəqə alıb.

Matçdan sonra baş verənlərə münasibət bildirən Simeone belə deyib: “Meydanda baş verən hər şey meydanda qalır. Bu qayda biz uşaq olandan bəri belədir. Deyəcək sözüm yoxdur”.

Jurnalistin “Ona "Florentino səni qovacaq" dediniz” sualına isə Simeone belə cavab verib: “Xatırlamıram. Yaddaşım zəifdir”.

Qeyd edək ki, Vinisiusun qolsuz seriyası oktyabrın 10-dan etibarən davam edir.

Heybət

View this post on Instagram

A post shared by TNT Sports Football (@tntsportsfootball)