Futbol dünyasının ən dəbli üzvləri kimlərdir? - TOP-10

Futbol artıq çoxdan yalnız meydandakı hadisələrlə məhdudlaşmır. Futbolçuların gündəlik həyatda nümayiş etdirdiyi üslub müasir idman mədəniyyətinin ayrıca bir hissəsinə çevrilib.

Publika.az xəbər verir ki, populyar "Instagram" səhifəsi "Kicks Force" izləyicilərinin səsverməsi əsasında 10 ən dəbli futbolçunun reytinqini dərc edib.

Reytinq sosial şəbəkələrdə sürətlə geniş müzakirələrə səbəb olub. Azarkeşlər təkcə yerlər barədə deyil, həm də yanaşmanın özü haqqında fikir mübadiləsi aparırlar.

Bəs TOP-10-da kimlər yer alıb? Siyahıya Avropa futbolunun ulduzları daxil edilib. Onlar mütəmadi olaraq dəb xronikalarında və moda tədbirlərində görünürlər. Söhbət Cud Bellinqhem (Real), Vircil van Deyk (Liverpul), Jül Kunde (Barselona), Lamin Yamal (Barselona), Rafael Leao (Milan), Körtis Cons (Liverpul), Maykl Olise (Barselona), Morqan Gibbs-Uayt (Nottingem Forest) və Uqo Ekitikedən (Liverpul) gedir.

Reytinqin lideri isə ən çox səs toplayan Nik Voltemade (Nyukasl) olub. Azarkeşlər onun seçilən estetik üslubunu xüsusi qeyd ediblər: "oversize" siluetlər, vintaj elementlər, rahat təqdimat və brendlərin nümayişinə həddindən artıq önəm verilməməsi. Sadəliklə fərdiliyin vəhdəti Voltemadeni səsvermənin favoritinə çevirib.

Təşkilatçılar vurğulayırlar ki, bu reytinq ekspert rəyi iddiası daşımır və tamamilə insanların fikrini əks etdirir. Əsas məqsəd isə müasir futbolçuların trendlərə necə təsir etdiyini, modanı formalaşdırdığını və futbol meydanından kənarda da ictimai fiqur olaraq qaldığını göstərməkdir.

Müzakirələr davam edir və bu da onu göstərir ki, bu gün futbolda üslub demək olar ki, oyunun özü qədər önəmlidir.

Publika.az