İdman

“Real”ın yeni ulduzu üçün şans: Kukurellanın zədələnməsi...

12 Fevral 2026 17:27

“Real”ın sol cinah müdafiəçisi Alvaro Karrerasın adı 2026-cı il dünya çempionatı öncəsi İspaniya milli komandasının iyunda açıqlanacaq ilkin heyətinə daxil edilib.

Publika.az xəbər verir ki, bu barədə "Diario AS" məlumat yayıb.

“Çelsi”nin müdafiəçisi Mark Kukurellanın “Lids”lə oyunda aldığı son zədə Karreras üçün şans yaradıb. O, əvvəlki çağırışlarda heyətə dəvət olunmayıb.

Bildirilir ki, Karreras mart ayındakı beynəlxalq fasilə zamanı Luis de la Fuente tərəfindən ilk dəfə milliyə çağırıla bilər. Həmin dövrdə İspaniya Qətərdə keçiriləcək Finalissima çərçivəsində Argentina ilə qarşılaşacaq.

Karreras bu mövsüm “kral klubu”nun heyətində sabit çıxışı ilə seçilib. 29 oyunda 2 qol və 1 məhsuldar ötürmə ilə yadda qalıb.

“Barselona”nın müdafiəçisi Alexandro Balde də ilkin siyahıda yer alıb, lakin Argentina ilə oyun üçün əsas heyətə düşmək baxımından Karrerasın şansının daha yüksək olduğu bildirilir.

Heybət