İdman

Azarkeş öldü, oyun yarımçıq qaldı

2 Mart 2026 11:00

İspaniya Sequndasının 28-ci turu çərçivəsində keçirilən "Sportinq Xixon" - "Leqanes" oyunu zamanı azarkeş vəfat edib.

Publika.az xəbər verir ki, bu barədə Xixon klubunun mətbuat xidməti məlumat yayıb.

Görüş birinci hissənin əvvəlində dayandırılıb. Həyatını itirən azarkeşin 82 yaşı olub. Hadisədən sonra matç bərpa olunmayıb. Oyunun yeni tarixi və vaxtı daha sonra açıqlanacaq.

Klubun yaydığı bəyanatda bildirilib ki, vəfat edən şəxs 40 il ərzində komandanın oyunlarına abunəçi olub:

"Bu gün hamımız dərin kədər hissi keçiririk. O, rahat uyusun. Düşüncələrimiz onun ailəsi və yaxınları ilədir. "Sportinq" klubu bu gün stadionda çalışan bütün tibbi və təhlükəsizlik əməkdaşlarına, həmçinin matç boyu nümunəvi davranış göstərən həm öz, həm də "Leqanes" azarkeşlərinə təşəkkür edir".

Heybət