İdman

Zidandan hər kəsi təəccübləndirəcək açıqlama: Mən top-5-də deyiləm

2 Mart 2026 14:42

Əfsanəvi fransız futbolçu və məşqçi Zinəddin Zidan maraqlı etiraf edib.

Publika.az xəbər verir ki, o, özünü futbol tarixinin ən yaxşı oyunçularından biri hesab etmədiyini bildirib:

"Mən həmişə ən yaxşı olmaq istəyirdim və bunun üçün çalışdım. Heç vaxt ambisiyam çatışmadı. Amma mənim kimi oyunçu heç vaxt ən yaxşı olmadı, sadəcə bu qədər. Hətta top-5-də də deyiləm. Bəlkə də 20-likdə ola bilərəm".

Qeyd edək ki, Zidan futbolçu karyerası ərzində "Kan", "Bordo", "Yuventus" və "Real"da çıxış edib. Klub karyerasında 12 titul qazanıb. Fransa millisi ilə Avropa və dünya çempionu olub. 3 dəfə dünyada ilin futbolçusu seçilib və bir dəfə "Qızıl top"u qazanıb.

Məşqçi kimi isə yalnız "Real"ı çalışdırıb və 11 kubokun qalibi olub. Komandası ilə ardıcıl 3 dəfə Çempionlar Liqasını qazanıb.

Heybət