İdman

İranlı qadın futbolçular dövlət himnini oxumaqdan imtina etdilər

3 Mart 2026 16:49

İranın qadınlardan ibarət futbol millisi Asiya Kubokunda Cənubi Koreyaya qarşı oyundan əvvəl dövlət himnini oxumayıb.

Publika.az xəbər verir ki, start fitindən əvvəl himnin səsləndirilməsi zamanı kameralar İran komandasını göstərərkən futbolçular və baş məşqçi melodiyanı səssiz şəkildə dinləyiblər.

Oyundan sonra İran millisinin baş məşqçisi Marziyeh Cəfəri və futbolçular ölkədəki siyasi vəziyyətlə bağlı sualları cavablandırmaqdan imtina ediblər.

Turnir 1-25 mart tarixlərində Avstraliyada keçirilir. İran yığması ilk matçında Cənubi Koreyaya 0:3 hesabı ilə məğlub olub.

Qeyd edək ki, 28 fevralda İsrail və ABŞ-ın İrana qarşı hərbi əməliyyata başladığı bildirilir. İran tərəfi isə cavab olaraq İsrailə, ABŞ-ın BƏƏ və digər ölkələrdəki bazalarına zərbələr endirib.

Heybət