Məşhur məşqçi cəzalandırıldı: Günahını etiraf etsə də...

"Kristal Pelas"ın baş məşqçisi Oliver Qlasner 6 ay müddətinə avtomobil idarə etmək hüququndan məhrum edilib.

Publika.az xəbər verir ki, bu barədə "Evening Standard" məlumat yayıb.

Bildirilir ki, 51 yaşlı avstriyalı mütəxəssis ötən ilin iyul ayında Old Kent Road ərazisində sürət həddini aşıb. O, BMW markalı avtomobili ilə saatda 29 mil sürətlə hərəkət edərkən sürət kamerası tərəfindən qeydə alınıb. Həmin ərazidə icazə verilən maksimal sürət isə 20 mil/saatdır.

Məhkəmə sənədlərinə əsasən, Qlasner günahını etiraf edərək məhkəməyə yazılı müraciət göndərib. Əlyazma məktubunda o, qanunu bir daha pozmayacağına söz verib və hərəkətlərinə görə tam məsuliyyəti üzərinə götürüb.

Bundan əlavə, Qlasner 660 funt sterlinq məbləğində cərimə ödəməli, həmçinin məhkəmə xərclərini və əlavə rüsumları qarşılmalıdır.

Qeyd olunur ki, məşqçinin əvvəllər də yol hərəkəti qaydalarını pozması səbəbindən əlavə cərimə xalları avtomatik olaraq 6 aylıq sürücülük qadağasına gətirib çıxarıb.

Heybət