İdman

Üç ildir xərçənglə mübarizə aparırdı - Məşhur qapıçı öldü

6 Mart 2026 06:46

Martın 4-də alman qapıçısı Georg Kox 54 yaşında vəfat edib.

Publika.az xəbər verir ki, bu barədə “Fortuna Düsseldorf”un mətbuat xidməti məlumat yayıb.

Kox son illərində xərçənglə mübarizə apardı. Diaqnoz qoyulduqdan sonra həkimlər ona cəmi altı ay ömür verdilər, lakin Georg üç il sağ qala bildi.

Klubun açıqlamasında deyilir: “Keçmiş qapıçımız ağır xəstəlikdən sonra vəfat edib. Bu itki ilə bağlı dərin hüznlə yas tuturuq. Bütün “Fortuna” ailəsi onun ailəsinə, dostlarına və Georq Koxu tanıyan və dəyər verən hər kəsə dərin hüznlə başsağlığı verir və dəstək sözlərini bildirir”.

Kox karyerası ərzində “Fortuna”, PSV, “Kayzerslautern”, “Energie Kottbus”, “Duysburq”, “Dinamo Zaqreb” və “Rapid Vyana” klublarında çıxış edib. O, Almaniya Bundesliqasında 213 oyun keçirib.