İdman

Messi Ağ Evə gəldi: Tramp onu "ən böyük" elan etdi - VİDEO

6 Mart 2026 09:28

ABŞ prezidenti Donald Trump ötən gün Ağ Evdə "İnter Mayami" ilə görüşüb.

Publika.az xəbər verir ki, Florida komandası ötən mövsüm MLS çempionu olduğu üçün xüsusi təltif mərasiminə dəvət olunub.

Görüşdə komandanın əsas ulduzu və kapitanı Lionel Messi də iştirak edib. Tramp argentinalı futbolçuya xüsusi yanaşıb.

"Oğlum soruşdu: "Ata, bu gün orada kimin olacağını bilirsən?' Dedim ki, xeyr, mənim çox işim var. O dedi: Messi! Oğlum böyük fanatınızdır və sizi əla insan hesab edir. Gəldiyiniz üçün təşəkkür edirəm", - deyə Tramp bildirib.

Daha sonra ABŞ prezidenti orada olanlardan soruşub: "Bütün zamanların ən böyük oyunçusu kimdir - Pele , yoxsa Messi?" Hamı "Messi" deyə cavab verib. "Razıyam. Düşünürəm ki, o, ən böyükdür", - deyə Tramp sözlərini yekunlaşdırıb.

Qeyd edək ki, bu, argentinalı futbolçu ilə Donald Tramp arasında baş tutan ilk görüşdür.

Heybət